ਹਵਾਈ ਯਾਤਰਾ ਦੌਰਾਨ ਅਜੀਬੋ-ਗਰੀਬ ਘਟਨਾਵਾਂ ਅਕਸਰ ਸਾਹਮਣੇ ਆਉਂਦੀਆਂ ਰਹਿੰਦੀਆਂ ਹਨ, ਪਰ ਹਾਲ ਹੀ ਵਿੱਚ ਇੱਕ ਅਜਿਹਾ ਮਾਮਲਾ ਚਰਚਾ ਦਾ ਕੇਂਦਰ ਬਣ ਗਿਆ ਹੈ ਜਿਸ ਵਿੱਚ ਇੱਕ ਪ੍ਰਸਿੱਧ ਵਿਅਕਤੀ ਨਸ਼ੇ ਦੀ ਹਾਲਤ ਵਿੱਚ ਸ਼ਰਮਨਾਕ ਵਿਵਹਾਰ ਕਰਨ ਬਾਵਜੂਦ ਆਪਣੀ ਕਰੋੜਾਂ ਦੀ ਨੌਕਰੀ ਬਚਾਉਣ ਵਿੱਚ ਕਾਮਯਾਬ ਰਿਹਾ।
ਇਹ ਮਾਮਲਾ ਜੇਮਸ ਰੋਂਡੋ, ਜੋ ਕਿ ਸ਼ਿਕਾਗੋ ਦੇ ਆਰਟ ਇੰਸਟੀਚਿਊਟ ਆਫ਼ ਸ਼ਿਕਾਗੋ ਦੇ ਡਾਇਰੈਕਟਰ ਹਨ, ਨਾਲ ਜੁੜਿਆ ਹੋਇਆ ਹੈ। 18 ਅਪ੍ਰੈਲ ਨੂੰ ਉਹ ਯੂਨਾਈਟਿਡ ਏਅਰਲਾਈਨਜ਼ ਦੀ ਇੱਕ ਉਡਾਣ ਰਾਹੀਂ ਸ਼ਿਕਾਗੋ ਤੋਂ ਮਿਊਨਿਖ ਜਾ ਰਹੇ ਸਨ। ਉਡਾਣ ਦੌਰਾਨ ਰੋਂਡੋ ਨੇ ਨਸ਼ੇ ਦੀ ਹਾਲਤ ਵਿੱਚ ਆਪਣਾ ਕੰਟਰੋਲ ਖੋ ਦਿੱਤਾ। ਰਿਪੋਰਟਾਂ ਮੁਤਾਬਕ, ਉਨ੍ਹਾਂ ਨੇ ਸ਼ਰਾਬ ਅਤੇ ਦਵਾਈਆਂ ਮਿਲਾ ਕੇ ਲਿਆਈਆਂ, ਜਿਸ ਕਾਰਨ ਉਹ ਬੇਹੱਦ ਗੈਰ-ਜਿੰਮੇਵਾਰ ਵਿਵਹਾਰ ਕਰਨ ਲੱਗੇ।
ਸ਼ਾਹਦੀਆਂ ਦੇ ਅਨੁਸਾਰ, ਉਡਾਣ ਦੌਰਾਨ ਉਨ੍ਹਾਂ ਨੇ ਆਪਣੇ ਕੱਪੜੇ ਉਤਾਰ ਦਿੱਤੇ ਅਤੇ ਸਹਿ-ਯਾਤਰੀਆਂ ਸਾਹਮਣੇ ਅਸਭਿਆ ਵਿਵਹਾਰ ਕੀਤਾ। ਉਡਾਣ ਦੇ ਉਤਰਦੇ ਹੀ ਉਨ੍ਹਾਂ ਨੂੰ ਪੁਲਿਸ ਨੇ ਹਿਰਾਸਤ ਵਿੱਚ ਲੈ ਲਿਆ।
ਇਸ ਘਟਨਾ ਤੋਂ ਬਾਅਦ, ਰੋਂਡੋ ਨੇ ਆਪਣੀ ਮਰਜ਼ੀ ਨਾਲ ਛੁੱਟੀ ‘ਤੇ ਜਾਣ ਦਾ ਐਲਾਨ ਕੀਤਾ ਅਤੇ ਮਿਊਜ਼ੀਅਮ ਵੱਲੋਂ ਮਾਮਲੇ ਦੀ ਸੁਤੰਤਰ ਜਾਂਚ ਸ਼ੁਰੂ ਕਰ ਦਿੱਤੀ ਗਈ। ਹਾਲਾਂਕਿ ਰੋਂਡੋ ‘ਤੇ ਕਿਸੇ ਕਾਨੂੰਨੀ ਕਾਰਵਾਈ ਜਾਂ ਰਸਮੀ ਸਜ਼ਾ ਦਾ ਐਲਾਨ ਨਹੀਂ ਕੀਤਾ ਗਿਆ।
ਕੁਝ ਹਫ਼ਤਿਆਂ ਦੀ ਜਾਂਚ ਤੋਂ ਬਾਅਦ, ਮਿਊਜ਼ੀਅਮ ਦੇ ਬੋਰਡ ਨੇ ਉਨ੍ਹਾਂ ਨੂੰ ਮੁੜ ਅਹੁਦੇ ‘ਤੇ ਵਾਪਸ ਲਿਆਉਣ ਦਾ ਫੈਸਲਾ ਲਿਆ, ਕਹਿੰਦੇ ਕਿ ਰੋਂਡੋ ਅਜੇ ਵੀ ਸੰਸਥਾ ਦੀ ਅਗਵਾਈ ਕਰਨ ਦੇ ਯੋਗ ਹਨ। ਮਿਊਜ਼ੀਅਮ ਦੇ ਬੁਲਾਰੇ ਨੇ ਪੁਸ਼ਟੀ ਕੀਤੀ ਕਿ ਰੋਂਡੋ ਸੋਮਵਾਰ ਤੋਂ ਆਪਣੀ ਨੌਕਰੀ ‘ਤੇ ਵਾਪਸ ਆ ਜਾਣਗੇ।
ਇੱਕ ਬਿਆਨ ਵਿੱਚ ਜੇਮਸ ਰੋਂਡੋ ਨੇ ਕਿਹਾ:
“ਮੈਨੂੰ ਆਪਣੇ ਵਿਵਹਾਰ ‘ਤੇ ਖੇਦ ਹੈ ਕਿਉਂਕਿ ਇਸ ਨਾਲ ਮੇਰੇ ਸਾਥੀਆਂ ਅਤੇ ਮਿਊਜ਼ੀਅਮ ਦੀ ਛਵੀ ‘ਤੇ ਪ੍ਰਭਾਵ ਪਿਆ। ਮੈਂ ਆਪਣੀ ਪੇਸ਼ੇਵਰ ਜ਼ਿੰਦਗੀ ਦੇ 27 ਸਾਲ ਇੱਥੇ ਸਮਰਪਿਤ ਕੀਤੇ ਹਨ ਅਤੇ ਮੈਨੂੰ ਮਾਫ਼ੀ ਮਿਲਣ ਅਤੇ ਨੌਕਰੀ ਬਰਕਰਾਰ ਰਹਿਣ ‘ਤੇ ਖੁਸ਼ੀ ਹੈ।”
ਦੱਸਣ ਯੋਗ ਹੈ ਕਿ ਰੋਂਡੋ ਮਿਊਜ਼ੀਅਮ ਦੇ ਸਭ ਤੋਂ ਵਧ ਤਨਖਾਹ ਲੈਣ ਵਾਲੇ ਕਰਮਚਾਰੀ ਹਨ ਅਤੇ ਉਨ੍ਹਾਂ ਦੀ ਸਾਲਾਨਾ ਆਮਦਨ 10 ਲੱਖ ਡਾਲਰ (ਲਗਭਗ 8.3 ਕਰੋੜ ਰੁਪਏ) ਤੋਂ ਵੱਧ ਹੈ।
ਇਸ ਮਾਮਲੇ ਨੇ ਲੋਕਾਂ ਵਿਚ ਦੋ ਵੱਖ-ਵੱਖ ਪਰਤੀਕ੍ਰਿਆਵਾਂ ਜਨਮ ਦਿੱਤੀਆਂ ਹਨ—ਕੁਝ ਲੋਕ ਇਸਨੂੰ ਦੂਜਿਆਂ ਲਈ ਮਾਫੀ ਅਤੇ ਮੌਕਾ ਦੇਣ ਵਾਲਾ ਸੂਚਕ ਮੰਨ ਰਹੇ ਹਨ, ਜਦਕਿ ਹੋਰਾਂ ਦਾ ਕਹਿਣਾ ਹੈ ਕਿ ਆਮ ਕਰਮਚਾਰੀ ਹੋਣ ‘ਤੇ ਅਜਿਹੀ ਮਾਫੀ ਨਹੀਂ ਮਿਲਦੀ।
